Философия және мәдениеттану

Кафедра меңгерушісі 

Тарих  ғылымдарының кандидаты, доцент

Жумабеков Мадияр Уалиұлы

Мекен жайы: Шымкент қаласы, Тәуке хан даңғылы 5, бас ғимарат, 138 кабинет.

Телефон: 30-02-51

►Профессор-оқытушылар құрамы

 
Жалпы мәлімет

Философия және мәдениеттану» кафедрасының тарихы 1943 жылдан бастау алады. 1992-1993 оқу жылы  «Философия және саясаттану» кафедралары біріктіріліп,  кафедраға тар.ғ.д., профессор А.И. Исмаилов басшылық өтті.

1993-1994 оқу жылынан басында кафедра меңгерушісі міндетін атқару фил.ғ.к. Т.А.Сулейменовке жүктелді.  Ол кафедраны 1997-1998 оқу жылының басына дейін басқарды.

1998 жылы кафедра «Философия және құқық» деп аталып, кафедра меңгерушісі қызметін фил.ғ.д., профессор Н.Р. Мұсаева атқарды. Мұсаева Н.Р. кафедраны  2013 жылға дейін басқарды.

2002 жылы кафедра «Философия» мамандығы бойынша магитратура бағдарламасымен магистрлер дайындауға лицензия алды. 2003 жылы «Философия» жеке кафедра ретінде қайта құрылды. Сол жылдары кафедрада ғылыми дәрежесі бар профессорлық-оқытушы құрамы және сапасы арта түсті:  Н.А. Ибраева (2007), А.Б. Шалдарбекова (2009) және М.К.Рахимшикова (2010) – кандидаттық диссертацияларын қорғап, тиісті ғылыми дәрежеге ие болды.

2013-2017 жылдары кафедраны  фил.ғ.к. Т.А. Сулейменов басқарды. Осы уақытқа дейін  кафедараны басқарған жетекші ғалымдар: Н.Қ.Қалшабеков.,  Ж.И. Абласанов,   В.А. Иевский,   В.Г. Остапенко, Н.Р.Мұсаева, Т.А. Сүлейменов кафедраның ғылыми потенциалының дамуына өз үлестерін қосты.

«Саясаттану» кафедрасының тарихы 1990 жылдан бастау алады. 2002 жылы «Саясаттану» кафедрасы «Саясаттану» мамандығы бойынша магитратура бағдарламасымен мамандар дайындауғы лицензия алды.

2017-2018 оқу жылының басында «Философия» және «Саясаттану» кафедралары біріктірілді. Жаңа кафедра «Философия және мәдениеттану» кафедрасы деп аталды. Оған тар.ғ.к., доцент М.У.Жумабеков жетекшілік етеді.

Кафедрада профессор-оқытушылар құрамының саны  33, оның ішінде 17 – ғылым кандидаттары, 18 – аға оқытушысы және 3 – оқытушы. Мемлекеттік тілде сабақтарды  оқытушылардың 100% жүргізеді. Барлық оқытушылардық базалық білімдері бар.

Кафедрада «Мәңгілік Ел» ұлттық идеясының мәдени-тарихи алғышарттары» мемлекеттік бюджеттік тақырыбы бойынша ғылыми-зерттеу жұмысы жүргізілуде. Кафедраның оқытушы профессор құрамы Елбасы Н.Назарбаевтың халыққа жыл сайынғы дәстүрлі Жолдауларын аудандарға барып халыққа насихаттау әрі түсіндірме жұмыстарын жүргізеді.

2018 жылы кафедра 5В020100-«Философия» және 5В050200-«Саясаттану» мамандықтары бойынша бакалавриат оқу бағдарламасы бойынша мамандар дайындауға лицензия алынды, сонымен қатар кафедрада магистратура бойынша 6М050200-"Саясаттану" мамандығын даярлайды.

Философия кафедрасының алдында мынадай негізгі міндеттер тұр:
  • қазақ ұлттық мәдениетінің философиялық негіздерін зерттеп, оны көпшілікке түсіндіруі;
  • қазақтың ойлау мәдениетінің әртүрлі формаларын анықтап, оны философиялық методология тұрғысынан зерделеу;
  • әлемдік философия тарихының інжу-маржандарымен таныстыру;
  • студенттердің еркін ойлап, еркін сөйлеу дағдысын қалыптастыру;
  • сөйлеу мәдениетіне баулу;
  • заман мен қоғам күрделенген сайын философиялық ғылым мен дәстүрдің танымдық және тәрбиелік маңызының арта түсуінің заңдылығын студенттерге жеткізу;
  • жүрдек заманның талаптарына сай толеранттылықты дамыту;
  • сұхбаттық парадигма негізінде кредиттік оқу жүйесін нығайту.
Кафедраның негізгі оқытатын пәндері:
  • Философия
  • Логика
  • Этика және эстетика
  • Ғылым тарихы мен философиясы
  • 2002 жылдан бастап кафедра 6N0201 “Философия” мамандығы бойынша магистранттарды дайындауда.

Біздің жетістіктеріміз

Кафедрада аға оқытушылары М.А.Бейсенбаев және Ж.Б Абдуллаеваның жетекшілігімен «Тұнба» философиялық үйірмесі жұмыс істейді. Жыл сайын университетте студенттер арасында философиялық олимпиадалар өткізіледі. Кафедра оқытушылары студенттердің ғылыми-зерттеу жұмыстарына (СҒЗЖ) нәтижелі жетекшілік етуде. Республикалық деңгейде бірнеше студенттеріміздің жұмыстары марапатталды: Халикназаров К., Молдабеков Б., Ешанкулов Б. және тағы басқалары.
Кафедра М.В.Ломоносов атындағы ММУ (Мәскеу қ.), әл-Фараби атындағы ҚазҰУ (Алматы қ.), Г. Сковорода атындағы БМУ (Минск қ.), ҚР БжҒМ философия және саясаттану институты (Алматы қ.) және Өзбекстан Ғылым академиясының философия институттарымен тығыз байланыста жұмыс жүргізуде (Ташкент қ.).

Оқытушылардың біліктілігін арттыру жұмыстары Т.Г.Шевченко атындағы КМУ, А.А.Жданов атындағы СПбУ, М.В.Ломоносов атындағы ММУ, әл-Фараби атындағы ҚазҰУ, Ташкент мемлекеттік университеттердің негізінде жүзеге асырылады.
28 қаңтар 2011 жылы Қазақстан Республикасының президенті Н.Ә.Назарбаевтың Қазақстан халқына «Болашақтың іргетасын бірге қалаймыз» атты Жолдауында әлеуметтік бағдарламалардың негізгісі – білімді дамыту екенін айтып өтті. Жоғарғы білім жүйесін модернизациялауға көп көңіл бөлгендіктен, біздің кафедраның профессорлық-оқытушылық құрамы осы міндеттерді жүзеге асыруға күш жігерін жұмсауда. ОҚМУ үшін Жолдауда көрсетілген жоғарғы оқу орындарының инновациялық іс-әрекетке көшуі маңызды басымдылық болып табылады, университетіміздің ғылыми-зерттеуші оқу орнына айналғанын көздейміз. Осы себепті 2011-2020 жылдарындағы білімді дамытудың мемлекеттік бағдарламасының міндеттерін жүзеге асыруды мақсат етіп отырмыз.

Ғылыми жұмыс

Кафедрада «Қазақ философиясының өзекті мәселелері» тақырыбында мемлекеттік бюджеттік жұмыс жүргізілуде. 2000 жылы кафедра «Ұлы Жібек жолы және көшпелілер мәдениеті: уақыт тізбегіндегі сұхбат» атты халықаралық ғылыми-теориялық конференция ұйымдастырды.

Кафедраның профессорлық-оқытушылық құрамы

Білім және Ғылым министрлігінің білім берудің мемлекеттік стандарттары мен типтік бағдарламаларға жариялаған байқауларға қатысты.
Доцент Сулейменовтың жетекшілігімен кафедрада ғылыми-методикалық семинар жұмысы атқарылады.